$type=carousel$cols=3$count=9$show=home

Dahej Hatya...

Sasuraal me dahej ke liye jalai ladki ki KAHANI.....yr pls must read friends....Agar padhne ka man na ho tab bhi padho........

Dowry System

Mere swami mere aaradhya ye aapne kya kia...
Saat phere leke mujhe maut ke hawale kar dia...

Mera kya guna tha meri kya ghalti thi...
Yehi ki aapko dil se chaha aapki pooja karti thi...

Aapki dasi thi aapki aarti karti thi...
Prem karti thi prem hi chahti thi...

Shadi ke baad aapke hi ird girf meri zindagaani thi...
Aapse hi shuru aappe khatm meri bhakti ki kahani thi...

Aapko maine kitna chaha main aapko bata nahi sakti...
Aapke kaam par jane ke baad bhi chhavi aakhon se thi hata nahi sakti...

Maine aapse kuch bhi to kabhi manga nahi...
Aapki khushi chahi mere devta aur kuch bhi chaha nahi...

Mere swami mere naath aaphi me basti thi meri saans...
Mujhe aag ke hawale kar dia, jane kab nikal jaye ab aakhiri saans...

Mere humnawaaz mere humdum mere humsafar ye kaisa dia mujhe safar...
Mujhe saathi banaya chand paison ke lie khatm kar dia meri zindagi ka safar...

Aapki har farmayish maine hamesha poori karne ka prayatn kia...
Aap sampann the phir bhi apne gareeb pita se aapki maangon ko kaha...

Shadi ke baad to hum dono do jism ek jaan the...
Main kaise baat taalti koi aapki baat aap hi to mere jeevan ke armaan the...

Bahut chaha hai maine aapko par aapne nafrat ka sila dia...
Itna chahti hun ki poochhoon bhi na aapne kyun mita dia...

Mayke se jab main chali to mere ma-baap ne mujhe yehi seekh di...
Sasural ko swarg banana aur maine ghar me sneh ki hi reet rakhi...

Par ye kaisa anjaaam mere sapno ka aapke aur aapke gharvalon ne kia...
Aisi maut di jo maine sochi bhi na thi, sabne mujhe jeete ji jala dia...

Mere prabhu jeete ji maine hamesha bhagwaan se aapki khushiyun ki dua mangi...
Aapke naam ka sindoor lagate vaqt bhi hamesha aapki lambi umar ki dua mangi...

Maji bauji ke saath maine aapke bhai aur bahan ko apna samjha...
Apne ma-baap apne bhai bahan se bhi zyada aap sab logon se pyaar kia...

Aur aap sabne milke meri hatya kar di...
Kyun mere pariwar valon ke armaon par vaar kia...

Jab bhi manji koi kaam karti thi main unhe rok deti thi...
Main to khushi khushi apni nanad ka bhi har kaam kar deti thi...

Aapk bhai me mujhe mera bhai dikhta tha...
Raakhi ke din uske haath me maine bhi rakhi bandha tha...

Par mere khilaaf sazishon me un dono ka bhi dil nahi jaga tha...
Kyun unhone bhi mujhpe taras na khaya mujhe apna nahi mana tha...

Aapke bauji ki beemari par maine raaton me jaagkar bhi unki seva ki...
Vo koi dawai khana bhool na jaye time se pehle unhe dawa di...

Shadi ke baad aap logon ne mujhe kabhi bhi mere ghar na jane dia...
Main dukhi bahut hui par maine is baat ko bhi hum dono ke darmiyaa na aane dia...

Mere pitaji jab bhi milne aate...
Baithne se pehle aapki maa ke taane khate...
Itna sab kuch dene ke baad nayi farmyish ki fehrist chaay se pehle paate....

Mera bhai jab bhi aaya aap logon ki mangi hui cheez hi laya...

Apni bahan ko dukhi dekhkar bhi jo aasun usne chhupeke giraye main hi janti hun...
Uske jaane ke baad gire aasuon ke qatren dhoondh ke royi kitna main hi janti hun...

Mere swami aap logon ki khushi ke lie main har dard khushi se saha...
Aap logon ki badhti nafraton par bhi maine dil ke dard ko unsuna kia...

Phir bhi aap logon ne apni aakhiri hasrat ka anjaam mujhe maut deke kia...

Kya hoga mere un sapno ka jo maine sajoye the...
Kabhi to aayegi sukh ki ghadi sochkeaas ke moti piroye the...

Aaj main mritu-shayya par padi hun... Saans bhi nahi le pa rahi hun...
Itni berahami se maara mujhe phir bhi baddua bhi nahi dena chahti hun...

Main ja rahi hun swami par chahti thi aapse chalte chalte kuch kah sakun...
Kabhi jo meri yaad aaye khud ko gunehgar na samajhna ye kah sakun...

Chahti thi chalte chalte aapko phir se ek baar dekh sakun...
Meri zindagi miti to kya aapke chehre par to khushi dekh sakun...

Mere vidhata mere naath, bhagwaan kare aap hamesha khush rahen...
Mere begair bhi aapko har khushi mile aap hamesha sukh se rahen...

Manji aapse kya kahun kuch samajh me nahi aa raha hai...
Mujhe jalaya to aapne bhi par dil aapko tadpana nahi chah raha hai...

Par itna zarur poochhungi ki kya kusoor tha mera...
Aapke pariwaar ko dil se apna mana kya yehi kusoor tha mera...

Aap bhi to kabhi bahu banke is ghar me aayi thi...
Aaj bhi aapke ghar me nahi abhaav ki parchhayi thi...

Sabkuch to tha aapke paas phir kyun nahi prem tha...
Aap bhi to kisi ki patni thi phir ek patni ke lie kyun nahi aaya prem tha...

Apne bete me aapne mere prati nafrat bhari jinke lie mere dil me prem se badhkar prem tha...

Manji main ja rahi hun aap jaisa chahe vaisa kar lijieaga...
Par koi saas apni bahu se na nafrat kare bus itni dua kijieaga...

Kisi bhi ghar se koi bahu na jale ho sake to naaretva ke lie itna kijieaga...

Bauji aapne bhi mujhe paraya kar dia...
Maine apne pita se badhkar mana mujhe sansaar se juda kar dia...

Aapko yaad hai kabhi kabhi aapne mujhe beti kahke bhi bulaya tha...
Aaj bhi us pukaar me prem dhoondhkar maine dil se aapko bauji puakara tha...

Aapki beti ki tarah main bhi to apne babul ke aagan ki kali thi...
Maine aap sabko apna mana kyun todi meri jeevan ki dali...

Aapne to kaha tha beti ye tumhara hi ghar hai ise apna samajhna...
Aap sabne kyun chheen li meri zindagi ab saha nahi jata tadapna...

Bauji maine aapke kul aapke vansh ki har maryada ko nibhaya...
Par mere nischhal prem samarpan aap logon ko nahi bhaya...

Kabhi sochiyega jo ye aapki ma ke saath hota to aap kaise janm lete...
Jo yehi aapki apni beti ke saath hota to doshiyun ko kaise aur kitna dand dete...

Aapke putra mere bhagwaan the aapne unhe ye kya bana dala...
Paison ke lalach me aap sabne milke mujhe jeete ji jala dala...

Bauji main ja rahi hun par aapko yaad to zarur aaya karungi...
Par kabhi beemari me bhi awaaz denge to nahi aa paya karungi...



Samaaj valon ye kaisi pratha tumne banayi nibhayi hai...Tumse achi to jaanwaron ne apne rishton se vafadari nibhayi hai...

Kyun tumne ladki ke vivaah ke saath ye dahej ki parampara rakhi...Jo bhi ladki mari hai iski vajah se aakhir to vo samaaj me hi kisi ki thi...

Tod do ye pratha khatm kar do ye parampara jisme ladki ko apna jeevan khona pade...Kitni ladkiyan marengi abhi kyun ye abhishaap baki ladkiyun ko bhugatna pade...

Aakhir kab tak is pratha ke naam par ladkiyan jalayi jaengi...Kaahir kab tak iski aag me ladkiyan jhulasti rahengi.........

COMMENTS

Name

1 Line Shayari,1,2 Line Shayari,10,4 Line Shayari,50,Ahmad Faraz Poetry,1,BACHPAN Shayari,7,Barish Shayari,7,Bewafa Shayari,73,Birthday Shayari,18,Cute Shayari,13,Dard Bhari Shayari,22,Dosti / Friendship Shayari,23,Dr. Kumar Vishwas Poems,11,Dr. Sunil Jogi Poems,5,Eid Shayari,7,English Shayari,4,English Vinglish Shayari,10,Facebook Shayari,1,Faltu Post,3,Father Shayari,18,Filmi Shayari,1,Funny Shayari,34,Ghazal Shayari,25,Heart Touching Shayari,46,Hindi Shayari Collection,20,Holi Shayari,9,Inspirational And Real Life Stories,13,Inspirational Shayari,39,Judai Shayari,391,Lori For Kids,1,Love Shayari,312,Love Stories,60,Maut Janaza - Kafan Shayari,11,Miscellaneous Shayari,12,Mother Shayari,40,Nazam Shayari,9,New Year Shayari,6,Notes,44,Patriotic Shayari,6,Poetry Videos,13,Politics Shayari,7,Punjabi Shayari,7,Religious Shayari,2,Romantic Shayari,67,Sad Shayari,147,SAVE GIRLS,25,Sharabi Shayari,12,Shayari For Teachers,1,Shayari Ki Bate'n,30,Shayari On Beauty,18,Shayari On Gareebi,3,Shayari On Girls,26,Sister Shayari,16,Song Lyrics,1,Special Dedicated Shayari,19,Urdu Poetry,6,VALENTINE DAY Shayari,36,Wife Shayari,13,Zindagi Shayari,11,कविताएं,17,
ltr
item
Shayari7~ Hindi Shayari | Love Shayari, Romantic Shayari, Sad Shayari And Love Stories: Dahej Hatya...
Dahej Hatya...
http://1.bp.blogspot.com/-NCeS4QvSlws/U2NFRXUTVPI/AAAAAAAACG8/Z8gzHdA2EyM/s1600/say_no_to_dowry1.jpg
http://1.bp.blogspot.com/-NCeS4QvSlws/U2NFRXUTVPI/AAAAAAAACG8/Z8gzHdA2EyM/s72-c/say_no_to_dowry1.jpg
Shayari7~ Hindi Shayari | Love Shayari, Romantic Shayari, Sad Shayari And Love Stories
http://www.shayari7.com/2014/05/dahej-hatya.html
http://www.shayari7.com/
http://www.shayari7.com/
http://www.shayari7.com/2014/05/dahej-hatya.html
true
694365749974841563
UTF-8
Loaded All Posts Not found any posts VIEW ALL Readmore Reply Cancel reply Delete By Home PAGES POSTS View All RECOMMENDED FOR YOU LABEL ARCHIVE SEARCH ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS CONTENT IS PREMIUM Please share to unlock Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy