Hindi Kavita ~ RET PAR NAAM LIKHNE KI KOSHISH...

Ret Par Naam Likhne Se Kya Fayda...
Ek Aayi Lehar Kuch Bachega Nahi...
Tumne Pathar Sa Dil Humko Keh To Dia...
Patharon Pe Likhoge  Meetega Nahi...

Main To Patjhad Tha Phir Kyun Nimantran Dia...
Reetu Basanti Ko Tan Par Lapete Huye...
Aas Mann Mein Liye Pyas Tann Mein Liye...
Kab Sharad Aai  Pallu Samete Huye...

Tumne Pheri Nigahein Adhera Hua....
Aisa Lagta Hai Suraj Ugega Nahi....

Main To Holi Mana Lunga Sach Maaniye...
Tum Diwali Banogi Yeh Aabhas Do...
Main Tumhe Sonp Dunga Tumhari Dhara...
Tum Mere Pankho KO Mera Aakas Do...

Ungliyon Par Dupatta Lapeto.N Na Tum...
Yun Karoge To Dil Chup Rahega Nahi...

Aankh Kholi To Tum Rukmani Si Dikhi...
Band Ki Aankh To Radhika Tum Lagi...
Jab Bhi Socha Tumhe Shant Ekant Mein...
Meera Bai Si Ek Sadhika Tum Lagi...

Krishan Ki Bansuri Par Bharosa Rakho...
Mann Kahin Bhi Rahe Par Digega Nahi....

Tumne Pathar Sa Dil Humko Keh To Dia...
Patharon Pe Likhoge  Meetega Nahi.....