Emotional Sad Shayari By A Boy ~ Mera Bachpan, Mera Bachpan...

“Mai Aksar Badal Leta Hu Chahre Ke Lahze Apne...
Ek Hi Lahze Se Log Mere Dil Ka Hal Jaan Lete Hai...
Mai Muskura Deta Hu U Hi Dil Rakhne Ke Liye...
Log Meri Muskan Ko Mera Khush Hona Maan Lete Hai….”

Najaanay Kyun Achaanak Say…..

Utha Hay Cheekh Mera Mann…..

Mera Bachpan, Mera Bachpan……

Main Jub Chhota Sa Bacha Tha…..

Mera Mann Kitna Sacha Tha

Meray Bachpan Say Vabista….

Hazaaron Khaab Hen Lekin…

Meray Maazi Ki Yaaden Bhe….

Niraa Azaab Hen Lekin

Bus Itna Yaad Aata Hay….

Khushi Ki Baat Ho Koi

Main Kitna Khul Kay Hansta Tha

Ye Aankhen Bheeg Jaati Theen

Agar Dukh Mujhko Hota Tha…..

Magar Ab Aisa Aalam Hay..

Na Hansta Hoon Na Rota Hoon

Dikhaavaa Ban Gaya Sub Kuch….

K Ab Rona Nahi Aataa

Meray Aansoo Nahi Aatay…

Hansi Mujhko Nahi Aati

Khushi Mujhko Nahi Hoti…

Bharam Logon Ka Rakhna Ho

Tu Karta Hoon Adaa-Kaari…

Meray Chehray Pay Ye Chehra,

Najaanay Kis Ka Hay Logo,

Chhupa Hay Jo Pas-E-Chehra,

Buhat Bay-His Sa Hay Logo……

Mera Dil Tu Ye Karta Hay,

Buhat Ro’oon, Buhat Ro’oon,

Main Apnay Baap Say Kheloon

Aur Maa Ki God Men So’oon………