Na Jaane Kyun Wo Purana Zamana Yaad Aa Gaya…
College Mein Aksar Gaate The Jo Gaana Yaad Aa
Gaya…
Wo Nukkad Ki Chai Aur Raju Bhaiyya Ka Samosa…
Bebaq Se Chutkulon Pe Khilkhilana Yaad Aa Gaya…
Canteen Mein Baithkar Ghanton Politics Ki
Baatein…
Kahin Nazrein Milana Kahin Churana Yaad Aa Gaya…
Wo Boring Sa Lecture, Wo Attendance Ke Lafde…
Wo Jhoot Bol Bol Ke Cinema Jana Yaad Aa Gaya…
Wo Gustakhiyan, Wo Athkheliyan, Wo Chhedkani…
Kabhi Gussa Hona Kabhi Muskurana Yaad Aa Gaya…
Chhoti Chhoti Parchiyon Mein Haal-E-Dil Batana…
Dilon Ki Dhadkanon Ka Tez Ho Jana Yaad Aa Gaya…
Wo Khadi Ke Kurte, Wo Cigarette Ka Dhuan…
Kitabon Se Bojhil Wo Jhola Latkana Yaad Aa Gaya…
Wo Charche, Wo Behas, Ankhon Mein Anginat Sapne…
Duniya Ko Badalne Ki Kasme Khana Yaad Aa Gaya…
Aaj Purane Panno Mein Sukhe Gulab Ka Milna…
Lagta Hai
Wo Afsana Yaad Aa Gaya……
Comments