“Aaj Ki
Meri Ye Ek Chhoti Si Kahaani Har Ush Shakhs Ke Liye Hai Jisne Ye Socha To Hoga
Par Kabhi Karne Ki Himmat Nahi Hui Hogi..!! Jab Koi Kisi Ko Yoon Hi Akele....
Tanhaa..... Zindagi Ke Bich Safar Me Chhod Kar Chala Jata Hai To Kya Hota
Hai....!! Kis Khayaal Me Dil Subah Shaam Apne Dildaar Ko Yaad Karta Hai....!!
"Jaanu"…..!!
Yaad Hai
Naa.. Yahi Pukara Karta Tha Tumhe.. Aur Tum Muskurate Hue Mujhe ‘Haan...
Sweetu’….. Kehke Jawaab Diya Karti Thi…
Tumse Mile
Hue Takreeban 4 Saal Ho Chuke Hai.. Kaise Ho??, Kahaan Ho??, Kya Kar Rahe Ho??, Mujhe Yaad Bhi Karte Ho Ya Nahi!!.. Ye Saari
Baatein Hamesha Zehan Me Machalti Rehti Hai... Aur Tumhari Yaad Har Pal Jyada Aati Hai Aur
Isi Ke Saath Saath Tumse Mohabbat Aur Badhti Jaati Hai..!!
Aaj Pure 3
Saal Ho Gaye Ish Baat Ko Jab Thik Aaj Ke Hi Din Tumne Mujhse Ek Waada Liya Tha
Ke Main Tumhara Pichha Na Karoon, Tumhe Palat Ke Naa Dekhoon..., Tumse Kisi
Tarah Ka Koi Rishta Na Rakhoon..., Aur
Naa Hi Kabhi Tumse Baatein Karne Ki Yaa Milne Ki Kosis Karoon… Mujhe Sab Yaad
Hai Tumhe Bhi Yaad Hoga Saayad… Pata Hai Shonaa Aaj Itna Khaas Din Kyon Hai
Kyon Ke Aaj Ke Hi Din Tum Mujhse Mili Thi... Aur Aaj Ke Hi Din Mujhse Kabhi Na
Milne Ka Waadaa Bhi Kiya Tha.... Aur Aaj.... Aaj Mera Janmdin Bhi Hai... Wo Janmdin
Jo Mujhe Sabse Jyada Khushi Deta Tha.. Tere Milne Ki Wajah Se Sabse Khoobsurat
Hua Karta Tha... Par Ab Wo Khoobsurat Nahi... Aaj Wo Janmdin Ek Maatam Ki Tarah
Logta Hai.. Namm Aankhon Me Siskiyon Ki Tarah Lagta Hai.... !!
Mujhe To Ye
Bhi Nahi Pata Ke Ye Khat Tumhe Milega Bhi Ya Nahi.. Lekin Fir Bhi Likh Raha Hu
Kyonki Tumhare Siwa Koi Nahi Tha Jo Mujhe Sunta Ya Mujhse Kuchh Kehta... Inn 3
Saalo Me Koi Aisa Din Nahi Gaya Jab Tumhe Maine Yaad Na Kiya Ho.. Main To Apni
Sidhi Saadhi Zindagi Jee Rahaa Tha... Par Tumne Aakar Mujhe Bilkul Badal Diya..
Jeene Ka Saleeka Sikhaya Aur Pyaar Karne Ka Mauka Diya Wo Bhi Tootkar.. Lekin
Pata Nahi Fir Kya Hua Kyon Tum Chale Gaye.. Kyon... Saayad Maine Hi Koi Galti
Ki Hogi Jo Tumhe Achha Nahi Laga Hoga.. Lekin Agar Mujhe Ek Mauka Do To Saayad
Main Apni Galti Sudhaar Loon.. Bahut Kuchh Badla Hai Inn 3 Saalo Me.. Naye
Makaan Ban Gaye, Nayi Sadak Ban Gayi.. Dosto Ki Shaadi Ho Gayi, Achhe Jobs Mil
Gaye.. Bas Nahi Badla Kuchh To Tumhare Liye Meri Mohabbat Aur Tumse Milne Ki Wo
Tadap.. Wo Aaj Bhi Usi Raah Par Aankhein Bichhyi Hui Hai Jis Raah Se Tum Gaye
The.. Wo Tere Aane Ki Ummid Aaj Bhi Dil Me Zinda Hai.. Ke Kabhi To Tujhse
Milunga Main.. Fir Tootkar Tujhe Chahunga Main...!!
Aaj Ke Din
Jis Park Me Tumne Mujhse Mere Hi Ghar Ka Pata Puchha Tha Kitna Haseen Wakiya
Tha Na Wo.. Pata Hai Wahi Khada Tumhara Aaj Bhi Intezar Kar Raha Hoon... Kyonki
Mujhe Pata Hai Tum Aaoge.. Tum Bhi To Mujhse Pyar Karte Ho Isiliye Mujhe Yakeen
Hai Ke Tum Aaoge.. Bhala Aise Thodi Ho Sakta Hai Ke Tum Bhul Jao.. Ho Sakta Hai
Tumhari Koi Mazburi Hogi, Ya Tumhara Phone Kho Gaya Hoga.. Ya Ho Sakta Hai
Tumne Apna Phone Badla Ho Aur No Saare Mit Gaya Ho, Ya Ye Bhi Ho Sakta Hai Ke
Tum Ish Jagah Se Kahin Door Ho Jahan Se Aane Me Tumhe Kuchh Waqt Lag Raha Hai..
Kuchh Bhi Ho Sakta Hai Naa Jaanu.. !!
Par Jaanu
Tum Fikra Mat Karo Mai Yahaan 3 Saal Se Tumhara Intezar Kar Raha Hoon.. Aur
Agle 30 Saal Tak Yoon Hi Tumhara Intezar Karta Rahunga.. !!
Jis Haseen
Ummid Me 3 Saal Gujaare Hain. Usi Ummid Me Tere Aane Tak Gujaarunga..
Jab Aa
Jaaoge Jaanu Paas Mere Tum.. Fir Kabhi Tumhe Khudse Door Naa Jaane Dungaa..
Jaanu .
Sirf Aur Sirf Tumhara Sweetu…!!
I Love You
Hamesha…..!!!!!!
Comments