Sad Urdu Ghazal ~ "Yeh Bari Ajeeb Si Baat Hai.."

Jo Na Mil Sake Wohi Bewafa,

Yeh Bari Ajeeb Si Baat Hai...

Jo Chala Gaya Mujhe Chor Ke,

Wohi Aaj Tak Mere Sath Hai...

Jo Kisi Nazar Se Ata Howi,

Wohi Roshni Hai Khayal Mein,

Woh Na Aa Skein, Rahon Muntazar,

Yeh Khalish Kahan Thi Visal Mein…

Meri Justuju Ko Khabar Nahi,

Na Woh Din Rahe Na Woh Raat Hai,

Jo Chala Gaya Mujhe Chor Kar,

Wohi Aaj Tak Mere Sath Hai….

Tere Pyaar Lab Pe Gila Na Ho,

Yeh Kisi Kisi Ka Naseeb Hai……

Yeh Karam Hai Usska Jafa Nahi,

Woh Juda Bhi Hai Ke Qareeb Hai….

Wohi Aankh Hai Mere Ru Ba Ru,

Ussi Hath Mein Mera Hath Hai,

Jo Chala Gaya Mujhe Chor Kar,

Wohi Aaj Tak Mere Sath Hai…..

Mera Naam Tak Jo Na Le Saka,

Jo Mujhe Qarar Na De Saka,

Jisse Ikhtiyar To Tha Magar,

Mujhe Apna Pyaar Na Desaka….

Woh Shakhs Meri Talash Hai,

Wohi Dard Meri Hayat Hai,

Jo Chala Gaya Mujhe Chor Kar,

Woh Aaj Tak Mere Sath Hai….

Jo Na Mil Sake Wohi Bewafa,

Yeh Bari Ajeeb Si Baat Hai.......